Vaksina Johnson & Johnson rezulton të jetë efektive 100% ndaj shtrimeve në spitale për shkak të koronavirusit.
Ekspertët amerikanë po kryejnë testet e fundit me qëllim që kjo të bëhet vaksina e tretë e autorizuar për përdorim në Shtetet e Bashkuara të Amerikës.
Sipas të dhënave të para, vaksina Johnson & Johnson është efektive kundër sëmundjeve të rënda.
Ekspertët thonë se ajo garanton mbrojtjen 100% ndaj shtrimit në spital për Covid-19 në 28 ditët pas vaksinimit.
Kompania thotë se vaksina është 85% efektive në parandalimin e ashpërsisë së simptomave të rënda të koronavirusit.
Ekspertët do të takohen të premten për të rekomanduar nëse duhet të autorizojë vaksinën për përdorim.
Një zyrtar i Shtëpisë së Bardhë tha se administrata parashikon shpërndarjen e të paktën tre milionë dozave të vaksinës Johnson & Johnson javën e ardhshme, nëse do të marrë autorizimin.