Anëtarja më e re e Partisë Socialiste do të jetë vajza e të ndjerit Bashkim Fino, Megi Fino. Kjo ishte një ndër dëshirat e tij më të mëdha që vajza e tij vendosi t’ia përmbushë dhe e njoftoi diçka të tillë në Kongresin e PS-së. E përlotur, ajo u angazhua të japë më të mirën e saj që i ati të jetë krenar për të.
“Baba, uroj që të jesh duke më parë sot nga atje lart dhe shpresoj që të jesh krenar me mua sot dhe gjithmonë. Do të bëj çmos të jem në lartësinë e emerit tënd mirë që ti më le. Do të angazhohem me mish e me shpirt në këtë familje të madhe. Siç thoshte im atë, po nuk e bëri PS-ja, kush tjetër mund ta bëjë këtë vend?”
Kryetari i Kuvendit, Gramoz Ruçi nuk i fshehu emocionet dhe iu bëri thirrje socialistëve të mbajnë një minutë heshtje për të gjithë ish-deputetët e ndarë nga jeta.
“Do të ftoja të gjithë të pranishmit për të nderuar meqë kemi 30-vjetorin e partisë, jo pak por 25 ish-deputetë të këtyre 30 vjetëve që janë ndarë nga ne. Të mbajmë një minutë heshtje. U preshin të qetë dhe mirënjohje të pafundme për të gjithë kontributin që ata kanë dhënë për familjen tonë politike. Nuk jam person që emocionohem kollaj, por me këto që pash dhe me fjalën e Megit, mund t’ju them me plot bindje se jam shumë i emocionuar.”
Bashkim Fino u kujtua edhe nga kryesocialisti Edi Rama.
