Mbrëmja e të enjtes mbylli ndeshjet e katërta të Europa League .

Futbollisti shqiptar, Myrto Uzuni u rikthye tek goli, pas një periudhe të gjatë mungese. Lojtari i kombëtares shënoi përballë Selltik, por një gol që vlejti vetëm për statistika, pasi skuadra e tij Ferencvaroshi u mund 3-2 duke vënë dhe më shumë në diskutim kalimin më tej.

Më herët Napoli nuk e diskutoi fitoren përballë Legias së Varshavës në Poloni. Skuadra e Spalletit triumfoi 4-1 ndaj polakëve duke hedhur një tjeter hap drejt kualifikimit në raundin tjetër. Vendasit e nisën mirë, pasi shënuan që në minutat e parë me Emreli, mirëpo italianët u zgjuan furishëm me Zielinskin , Mertens dhe Lozanon . Futbollisti kuqezi Ernest Muci hyri në fushë në pjesën e dytë  të lojës, duke rrezikuar jo pak herë me disa raste, por saktësia mungoi. Edhe pas kësaj disfate, skuadra nga Varshava mbetet në ndjekje të Napolit, pasi aktualisht ndodhet në vendin e dyte me 6 pikë , 1 më pak se Napoli i vendit të parë.

Edhe Lazio u ndal në një barazim 2-2 ndaj Marsejës. Të kaltrit e Italisë  shënuan me Anderson dhe Imobile, por Milik dhe Pajet prishën festën e italianëve me golat e tyre .

Skuadra perfekte në këtë fazë mbetet Lion, që fitoi 3-0 ndaj Spartës së Pragës duke siguruar kalimin me 12 pikë të plota ne grup .

Në konferencë League, Roma nuk shkoi më shumë se një barazim 2-2 përballë BodoGlimt në Olimpiko. Miqtë e mbyllën pjesën e parë me fitore falë një goli në fundin e 45 minutave, ndërsa e dyta foli e gjitha për kryeqytetasit e Italisë.

El Shaaraëy vendosi përkohësisht baraspeshën, derisa në momentin më të mirë  norvegjezët shënuan dhe golin e dytë çfarë tronditi jo pak Romën. Mirëpo asgjë nuk mbaroi këtu pasi 5 minuta nga fundi, italianët shënuan me Ibanez dhe mbyllën gjithçka me shifrat 2-2.

Leave a Reply

Your email address will not be published.