Ushtroi dhunë fizike ndaj bashkëjetueses në Gjirokastër, arrestohet 49-vjeçari

Policia e Gjirokastrës ka arrestuar një 49-vjeçar, pasi ushtroi dhunë fizike ndaj bashkëjetueses së tij.

Në pranga përfundoi P. Ll., banues në fshatin Tërbuq. Kallëzimi u bë nga bashkëjetuesja e tij, M. B., e cila deklaroi se e ka dhunuar në mënyrë të përsëritur.

Materialet proceduriale në ngarkim të shtetasit P. Ll. i kaluan Prokurorisë pranë Gjykatës së Shkallës së Parë Gjirokastër, për veprën penale “Dhuna në familje”.