Presidenti i Zimbabve, Robert Mugabe ka dhënë dorëheqjen pas 37 vjetësh si udhëheqës i kombit afrikano jugor, duke iu nënshtruar presionit të ushtrisë.
Përmes dorëheqjes së tij të shumë kërkuar, Mugabe i dha fund krizës politike në vend.
Përmes një letre dërguar Parlamentit, Mugabe thotë se ka vendosur të lërë postin dhe këtë e ka bërë vullnetarisht.
Lajmërimi i dorëheqjes së Mugabes vjen në kohën kur deputetët në Parlamentin e Zimbabvesë kishin nisur diskutimet e ashpra për mocionin e hetimit të tij.
Mugabe refuzoi që të dorëhiqej ditët e shkuara pavarësisht se ushtria mori kontrollin e vendit dhe me mijëra njerëz në rrugë kërkonin largimin.
Dorëheqja e Mugabes shënon fundin e një epoke në Zimbabve. Ai e vendosi vendin në një drejtim të hekurt për pothuajse katër dekada dhe është i vetmi udhëheqës që ka njohur kombi që kur arriti pavarësinë nga Britania në vitin1980.
