Ushtria hap rrugë për stërvitje

11.5 km rrugë e re është hapur nga fshati Rrushkull i Rrëshenit e deri në qytezën e Ulzës, nga Ministria e Mbrojtjes në kuadër të planit të stërvitjes së forcave të armatosura “Mirëdita 2016”. Kjo rrugë tashmë jo vetëm do t’i shërbejë banorëve të zonës që preken nga ky aks rrugor, por edhe do të zhvillojë turizmin në Ulzë, pasi shkurtohet ndjeshëm distance me Rrëshenin dhe Rrugën e Kombit. Kjo stërvitje e kombinuar trupash, është e para e këtij lloji, ku strukturat e Komandës Mbështetëse nën drejtimin e Detashmentit CIMIC, elementët e batalionit të Xhenios, batalionit të Furnizimit, kombinohen në veprimtari ndihmuese për komunitetin e zonës.