Pas aksionit të policisë për mbylljen e të gjitha ambienteve ku ka grumbullime masive njerëzish, baret dhe restorantet kanë mbyllur aktivitetin e tyre, duke respektuar kështu urdhrin e qeverisë.
Kjo masë u ndërmor për të parandaluar përhapjen e koronavirusit dhe moszbatimi i tyre do të shoqërohet me penalitete ligjore.
Ndërkohë, Ushtria dhe Policia e Shtetit kanë zbritur në terren për të identifikuar të gjithë ata persona, shqiptarë apo të huaj, që në 14 ditët e fundit kanë hyrë në territorin shqiptar nga italia, Greqia dhe çdo vend tjetër ku janë identifikuar rastet me COVID-19.
Kryeministri Edi Rama paralajmeroi se të gjithë ata që nuk vetëkarantinohen do të gjobiten me 5 mijë euro.