Instituti i Shëndetit Publik ka marrë 29 mijë komplete testimi nga USAID/Albania.
Nëpërmjet një postimi në “Facebook”, ambasada amerikane shkruan se SHBA ka angazhuar më shumë se 1.5 miliardë dollarë, ndihmë me qëllimin për të luftuar pandeminë që prej fillimit të emergjencës.
“USAID/Albania dorëzoi 29,000 komplete testimi në Institutin e Shëndetit Publik, si pjesë e ndihmës së Shteteve të Bashkuara për Shqipërinë, në përgjigje të pandemisë së COVID-19. Që nga shpërthimi i pandemisë, qeveria e Shteteve të Bashkuara të Amerikës ka angazhuar më shumë se 1.5 miliard dollarë ndihmë nëpërmjet Departamentit të Shtetit dhe USAID, posaçërisht me qëllimin për të luftuar pandeminë.”
