Uruguaji prezantoi një tjeter risi të fushatës se vet për të kërkuar vota mbi organizimin e botërorit të vitit 2030 në partneritet me Argjentinen dhe Paraguajin. Bëhet fjalë për një vulë me mbishkrimin “2030 së bashku”, një aluzion për tre vendet pjesmarrëse në këtë garë.
Vula është ideuar edhe si një perkujtim i 100 vjetorit të turneut të parë në histori të kupës së botës zhvilluar në vitin 1930 në Uruguaji, fituar po nga kjo kombëtar.
Ministrja e Turizmit e Uruguajit, Liliam Kechichian tha se edhe prezantimi I kësaj vule është pjesë e përpjekjeve për të bindur të gjitha vendet anetare te Fifa-s që ky eveniment I madh në 2030 të organizohet në Amerikën e Jugut, shtete që kanë histori të madhe në futboll pasi Uruguaji e ka fituar 2 herë sikurse edhe Argjentina. Kechichian tha se organizimi i një Kupe Bote është diçka “e jashtëzakonshme” edhe të nxitur turizmin.
“Ajo që na ka dhënë futbolli si markë është e pallogaritshme. Pas Kupës së Botës në 2010 në Afrikën e Jugut, kërkimi në Google për Uruguajin u rrit me pothuajse 3.000 për qind”, shpjegoi Ministrja e Turizmit.
Presidentët e Paraguajit , Argjentina dhe Uruguajit prezantuan më 4 tetor 2017 zyrtarisht ofertën e tre shteteve për organizimin e një evenimenti kaq prestigjoz dhe që atehere këto vende kanë mbajtur takime punë dhe kanë prezantuar strategjine e ofertes së tyre bashkë me logon dhe videot promocionale.
