Uruguaji u kualifikua për në 1/8 e kupës së botës pasi mundi minimalisht 1 me 0 Arabinë Saudite duke u ngjitur ne kuotën e 6 pikëve në grupin A.
Ky rezultat bëri që edhe Rusia të jetë zyrtarisht në fazën tjeter pasi edhe të zotët e shtëpisë kanë marrë dy fitore deri tani.
Nga ana tjetër Arabia Saudite i bashkohet Egjiptit si ekipet e eleminuara zyrtarisht nga ky turne.
Në “Rostov Arena”, u luajt një ndeshje vendimtare sidomos për arabët të cilët vinin pas humbjes së rëndë 5 me 0 në takimin e parë kundër Rusisë.
Kavani ishte I rrezikshëm për latinet që në fillim ndërsa Arabia Saudite u përgjigj ne një moment me Al Muëallad. E megjithatë ne minutën e 23 ishin 2 herë kampionet e botës që kaluan në avantazh me Luis Suarez I aftë për të shtyre topin në rrjete ne shtyllen e dyte.
Për “El Pistoleron” ky ishte goli I 52 me kombëtaren ne 100 ndeshje të luajtura.
Reagimi më serioz I Arabisë në këtë pjesë të parë ishte me Hatan Babhir por Muslera reagoi bukur. Në pjesën e dytë Uruguaji vijoi të ishte I rrezikshëm por nuk finalizoi si duhet rastet e Suarez, Kaseres, Torreires dhe Kavanit në dy momente.
Pas këtij rezultati e vetmja dileme në grupin A, është se cila skuadër do të marrë vendin e parë dhe kjo do zgjidhet nga dueli direkt I së henës mes Rusisë dhe Uruguajit.