Presidentja e Komisionit Europian, Ursula von der Leyen ka zhvilluar një bisedë telefonike me kryeministrin Edi Rama këtë të shtunë në lidhje me situatën e vështirë që po përballet vendi pas tërmetit të 26 nëntorit.
Bisedën e ka njoftuar vetë Presidentja e Komisionit Europian në një postim në Twitter ndërsa thekson se BE është me popullin shqiptarë në këtë moment.
“Komunikova me kryeministrin shqiptar @ediramaal i cili më tregoi për situatën e vështirë pas tërmetit. Kam shumë respekt për popullin shqiptar që kanë qëndruar të qetë pavarësisht rrethanave. Dua që ata të dinë që BE është në anën e tyre me dhembshuri DHE me veprim.”
