“Ukraina ka lëshuar raketa me rreze të gjatë ATACMS, në rajonin Bryansk të Rusisë”.
Kështu ka bërë me dije ministria ruse e Mbrojtjes por nga Kievi nuk ka ende një reagim zyrtar.
Sipas Moskës, Ukraina lëshoi gjashtë raketa, pesë nga të cilat janë rrëzuar nga nga mbrojtja ajrore.
Deri më tani nuk raportohet per viktima apo të lënduar.
Sulmi vjen vetem dy ditë pasi administrata Biden i dha dritën jeshile Ukrainës që të përdorte armët me rreze të gjatë, në mënyrë që të depërtonte në thellësi të territorit rus.
Sakaq më herët kreu i Kremlinit , Vladimir Putin miratoi një dokument i cili thekson se Moska mund ta shqyrtojë përdorimin e armëve bërthamore, nëse sulmohet nga një vend i mbështetur nga një fuqi bërthamore.
Zëdhënësi i Kremlinit Dmitry Peskov theksoi se procedura bërthamore duhet të bëhet objekt i analizave të thella si në vend ashtu edhe jashtë tij.
Ai theksoi se Federata Ruse e konsideron këtë hap si një masë ekstreme, por përditësimi i dokumentit ishte i nevojshëm dhe në përputhje me situatën aktuale politike.
Dokumenti specifikon se një sulm me avionë luftarakë, dronë apo raketa konvencionale mund të konsiderohet si kërcënim i tillë. Kremlini thotë se çdo agresion kundër Rusisë nga një shtet i cili është anëtar i një koalicioni do të konsiderohet nga Moska sulm i përbashkët. Tashmë mbetet për tu parë se cfarë veprimi do të ndërrmarrë Rusia nëse këto raportime për përdorimin e raketave nga Ukraina do të vërtetohen.
Po ashtu edhe Britania e Madhe pritet t’i japë Ukrainës raketa Storm Shadoë për të goditur brenda Rusisë. Lufta në Ukrainë, e cila nisi në shkurt 2022, ka nxitur konfrontimin më të madh mes Rusisë dhe Perëndimit prej krizës raketore të Kubës më 1962./vizionplus.tv
