Manchester United ka finalizuar marrëveshjen me mbrojtësin e Leicester, Harry Maguire për shifrën e 80 milion paundëve.
Maguire ka nënshkruar një kontratë 6 vjeçare me ekipin e djallit me mundësi rinovimi edhe për një vit të shtatë.
“Jam i lumtur që kam nënshkruar për këtë klub të shkëlqyeshëm,” tha Maguire pasi nënshkroi kontratën me ekipin e United.
Maguire shprehu falenderime edhe për ekipin e Leicester dhe mbështetjen që i dhanë drejtuesit e këtij klubi gjatë dy sezoneve të kaluara.
“Unë e kam shijuar plotësisht kohën time në Leicester dhe do të doja të falënderoja të gjithë në klub, dhe tifozët, për mbështetjen e tyre fantastike gjatë dy sezoneve të kaluara. Sidoqoftë, kur Manchester United vjen duke trokitur në derën tuaj, është një mundësi e jashtëzakonshme.”
Maguire theksoi më tej se mezi po pret që t’i bashkohet ekipit dhe të startojë sezonin duke nënvizuar se ka ardhur në Manchester për të fituar trofe.
“Nga bisedat e mia me menaxherin, unë jam i entuziazmuar për vizionin dhe planet që ai ka për ekipin.Është e qartë të shohësh që Ole po ndërton një ekip për të fituar trofe. Unë tani mezi po pres të takoj shokët e mi të rinj të skuadrës dhe të marr filloi sezoni “.
Mbrojtësi qëndrës së kombëtares së Anglisë ka qenë objektivi kryesor i transferimit të teknikut Ole Gunnar Solskjaer me qëllim për të forcuar mbrojtjen e United.
“Harry është një nga mbrojtësit më të mirë në ndeshjen e sotme dhe unë jam i kënaqur që kemi siguruar nënshkrimin e tij,” tha Solskjaer.
Maguire me kalimin tek Manchester United bëhet kështu mbrojtësi më i shtrenjtë në historinë e futbollit duke kaluar belgun e Liverpool Virgil Van Dijk, i cili u transferua për shifrën e 75 milion paundëve tek të kuqtë.
