Unazë për fshatrat turistike në Korçë

Për herë të parë të gjitha zonat turistike në juglindje do lidhen nëpërmjet një unaze. Pra në më pak se një orë vizitoret do të kenë mundësi të lëvizin nga Voskopoja në Vithkuq, Dardhe e Boboshticë. Ka qenë ky plani rregullues i miratuar nga Bashkia e Korçës këtë të hënë. Për kryetarin Sotiraq Filo ky plan ruan vlerat urbane dhe turistike. Sipas arkitektit Raqi Themeli, ne planin rregullues janë të parashikuara “rruga e shijes, dhe ajo e “qumështit” për t’u dhënë mundësi fermerëve te zonave turistike të lëvizin lirshëm me prodhimet e tyre. Themeli thotë se me zbatimin e planit, nuk do te preken ndërtimet karakteristike.