Partia Socialiste kërkon të marrë 88 mandate në zgjedhjet e 25 prillit.
Një objektiv të tillë e tregoi kandidati për deputet i PS në Qarkun e Tiranës, Ulsi Manja, në një intervistë për “Quo Vadis” në “Vizion Plus”.
Ai zbuloi se garë e fortë bëhet edhe brenda Partisë Socialiste.
“Sot jemi 40 ditë nga zgjedhjet e 25 prillit dhe unë mendoj që çështja e listës së PS është e tejkaluar. E gjithë skuadra e PS është në fushatë, çdo ditë, çdo orë me qytetarët. Në hartimin e listës, PS ka një strategji të sajën elektorale, për të maksimalizuar objektvin, minimumi 78 mandate, objektivi maksimal është 88. Më 25 prill do të ketë një garë politike me kundërshtarët tanë politikë, por edhe një garë të brendshme në partinë tonë.”
