Ukrainë – Rusi, rikthehet tensioni

Rikthehen tensionet mes Ukrainës dhe Rusisë për Krimenë, ndërsa të dyja vendet janë në prag të një përplasje të armatosur. Presidenti ukrainas Petro Poroshenko ka urdhëruar njësitë ushtarake në kufi me Krimenë të qëndrojnë në gjendjen më të lartë të gatishmërisë për luftë. Vendimi është marrë gjatë një takimi që presidenti mbajti me krerët më të lartë të ushtrisë, që pasoi akuzat e Moskës së Kievi po përgatitet për sulme terroriste në Krime. Një ditë më parë, Shërbimi Federal i Sigurisë në Rusi, deklaroi se një grup personash janë infiltruar në krime permes kufirit ukrainas dhe po përgatiteshin për të goditur zonat strategjike të saj. Kievi i mohoi akuzat për sulme terroriste ndërsa e akuzoi Moskën për provokim. Nga ana tjetër, vetë presidenti Putin tha të mërkurën se Ukraina është kthyer në një vatër të terrorizmit.
Dy shtetet janë përplasur ushtarakisht, pasi Rusia aneksoi Krimene ne vitin 2014, ndonëse pjesa me e madhe e Shteteve te Kombeve te Bashkuara e njohin këtë gadishull ende si territor ukrainas.