Pas disa muajsh luftime në Ukrainë ushtria ruse duket se nuk po mundet të përparojë. Ukrainasit kanë thënë se luftime të ashpra po zhvillohen në Donjeck. Sipas guvernatorit të këtij rajoni situata është e tensionuar dhe bombardimet janë të vazhdueshme në të gjithë vijën e frontit, por Donjecku vijon të mbetet në duart e ukrainasve.
Nga ana tjetër në rajonin verilindor të Karkivit trupat ukrainase kanë rimarrë qytetin e Dovhenke nga rusët dhe po përparonin drejt Izium, tha këshilltari presidencial Oleksi Arestoviç. Zyrtari shtoi se përpjekjet e Rusisë për të rifituar terrenin e humbur kane rezultuar te pasuksesshme.
Luftimet vijojnë edhe në juglindje teksa disa ditë më parë si pasojë e tyre u rrezikua edhe centrali bërthamor i Zaporizhijas, për të cilin palët akuzuan njëra-tjetrën. Komuniteti ndërkombëtar bëri thirrje për kujdes, pasi centrali rrezikon të kthehet në një katastrofë me pasoja të parikuperueshme.
