Ukraina: Rusët po plaçkitin muzetë dhe shkatërrojnë librat tanë

Në zonat e pushtuara, rusët po plaçkitin muzetë dhe po djegin libra në gjuhën ukrainase.

Denoncimi u bë nga Shtabi i Përgjithshëm i Ushtrisë së Ukrainës në raportin e përditshëm mëngjesit= mëngjesin e kësaj të mërkurë, sikurse raporton Agjencia Ukrinform.

“Pushtuesit shkatërrojnë trashëgiminë kulturore ukrainase në territoret e pushtuara, duke plaçkitur muzetë dhe duke djegur libra të letërsisë ukrainase”, thuhet në raport.

Ministria e Kulturës dhe Politikës së Informacionit ka dokumentuar më shumë se 500 raste të krimeve të luftës ruse kundër trashëgimisë kulturore të Ukrainës.