Ukraina nis ofensivën e re në Kursk të Rusisë

Ukraina ka nisur një ofensivë të re në rajonin Kursk të Rusisë, tha ministria ruse e mbrojtjes.

Në një deklaratë, ministria tha se përpjekjet për të shkatërruar grupet e sulmit ukrainas ishin në vazhdim.

Kreu i zyrës presidenciale të Ukrainës, Andriy Yermak, tha se kishte një lajm të mirë nga rajoni i Kurskut dhe se “Rusia po merr atë që meriton”.

Ukraina nisi për herë të parë inkursionin e saj në Kursk në gusht të vitit të kaluar, duke pushtuar një pjesë të territorit.

Në muajt e fundit, forcat ruse kanë bërë përfitime të mëdha në zonë, duke i shtyrë ukrainasit prapa, por duke dështuar t’i dëbojnë plotësisht.

Nuk dihet nëse ofensiva është mjaft e gjerë për të çuar në ndonjë ndryshim të rëndësishëm në vijën e parë.