Uellsi e mbylli Grupin B ne vend te pare, pas nje fitore impresionuese ndaj Rusisë, me këta te fundit qe përshëndeten nga finalet e kampionatit evropain. Ne Municipal te Tuluzes, skuadra e teknikut Koleman fitoi me rezultatin e thelle 3-0, duke u ngjitur ne kuotën e 7 pikëve, 2 me shume se Anglia e vendit te dyte. Te ashtuquajturit “dragonjtë” e filluan mjaft mire takimin dhe ne minutën e 11 gjeten rrjetën me ane te Ramsey. Goli i shpejte solli çoroditjen e ruseve, te cilët 8 minuta me vone pësuan te dytin qe mbajti firmën e futbollistit te Swansea Taylor. Pjesa e dyte ishte nje formalitet per Uellsin ndërsa portieri Akineeve ne dy raste i mohoi golin Gareth Bale. Gjithsesi portieri rus u detyrua te kapitullonte ne minutën e 67 përballe futbollistit te Realit te Madridit qe ngjitet tashme ne kuotën e 3 golave ne euro 2016. Nje kualifikim surprize per Uellsin jashtë çdo parashikimi, por me se te merituar qe ne raundin e 1/8-ve do te përballen mes një prej skuadrave te treta ne renditje ne Grupet A, C dhe D. Vendi i fundit ne grup per Rusinë ne nje europian per t’u harruar per ate qe ndodhi brenda dhe jashtë fushe. Ne takimin tjetër, Anglia arriti nje tjetër barazim kete radhe pa gola 0-0 kundër Sllovakisë me këta te fundit qe përfunduan ne vendin e trete me 4 pike. Ne St Etjen, “tre luanët” luajtën mjaft mire te gjithë ndeshjen, por pa arritur te thyejnë murin e sllovakeve.
Uellsi & Anglia në turin tjetër
