Përplasjet e dhunshme para sfidës së Champions League mes tifozëve te Liverpool dhe Romes kanë shokuar mbarë opinionin sportiv europian.
Një tifoz irlandez i skuadrës së Liverpoll ndodhet në gjendje kome si pasojë e përleshjeve mes fansave të dy ekipeve në rrugët e Liverpulit të martën në mbrëmje.
Pamjet e xhiruara nga këto incidente tregojnë momentet kur dhjetëra tifozë të skuadrës italiane përleshen me ultrasit angleze. Përveç përleshjeve me grushta, kamerat e mediave dhe xhirimet amatore kanë fiksuar edhe tifozë që mbanin në duar sende të forte deri edhe tek çekiçët, kaçavidat, shkopinj, tuba dhe rripat.
Ai që e pësoi më rëndë ishte irlandezi 53 vjeçar Sean Cox i cili mori plage në kokë dhe tani është në koma. Për këtë ngjarje policia angleze falë bashkëpunimit me agjentet italiane arrestoi dy ultrasit e Romes Filipo Lombardi dhe Daniele Sciusco, të akuzuar për tentative vrasjeje. Ndërkohe që 7 italiane të tjerë gjithashtu u prangosën për dëme ndaj pronës publike e private, posedim droge, armesh të ftohta etj.
Të dyja klubet reaguan zyrtarisht mbi këto ngjarje duke dënuar me force incidentet, ndërkohe që uefa pritet te dënoje klubin e Romes. Parashikohet që të ketë një gjobë të majme ndaj klubit Italian deri edhe tek ndalimi i udhëtimit për tifozët verdhekuq në transferte europiane deri ne 1 vit.
Veç kësaj ka edhe një alarm për sfidën e kthimit që do të luhet të mërkurën në Olimpiko, ku parashikohet të mbërrijnë mbi 1 mijë tifozë të Liverpool dhe frika për incidente të tjera ka bërë që të rritën ndjeshëm masat e sigurisë për këtë përballje ne Rome.
