Me transmetimin special nga Shkupi te Superkupes se Europes, Vizion Plus HD dhe Tring HD nisen zyrtarisht sezonin e ri sportiv. Emocionet dhe spektakli qe ofruan Reali dhe Manchester United në stadiumin Filipi i II mbajtën të mbërthyer para ekranit të gjithë dashamirësit e futbollit ne Shqipëri.

 

Prania e stafit te Vizion Plus HD dhe Tring HD në Shkup shërbeu për t’i përcjelle teleshikuesve emocionet e një superdueli me lidhjet live para dhe pas ndeshjes në funksion të edicioneve informative, por edhe emisionit të drejtuar nga moderatorja Eva Murati dhe të ftuarve të shumte në studio. Më pas komentin direkt nga Shkupi i superperballjes Real Madrid-Manchester United që mbajti të mbërthyer pas ekraneve në familje, lokale dhe sheshe publike të gjithë të apasionuarit e futbollit.

 

Kjo maratone transmetimi ekskluzive direkt nga stadiumi i Superkupes se Europes dhe emisioni dedikuar kësaj ndeshje, janë vetëm fillimi i një sezoni të ri të transmetimeve sportive ne ekranet e Vizion Plus dhe Tring HD, sezon që mbi të gjitha do të jetë i fokusuar më së shumti në ekskluzivitetin e Uefa Champions League, kompeticioni më i bukur dhe me spektakolar i klubeve ne Europë.

 

Duke nisur nga data 15 dhe 16 gusht, kur do të luhen takimet e para të fazës play off, platforma Tring do të ofroje 5 kanale për të sjelle tek sportdashësit shijen e plotë të spektaklit të këtij evenimenti pa lënë mënjanë risitë dhe surprizat me te ftuarit, që do të jenë ne studion e Andi Nurajt dhe Eva Muratit, ndërsa Vizion Plus HD do të vazhdojë të transmetoje çdo të mërkurë pa pagesën një nga ndeshjet më të forta të Champions League, si dhe golat, e analizat e ndeshjeve në çdo mbrëmje, për t’i dhënë shqiptareve me profesionalizëm dhe teknologjinë e fundit, emocionet e këtij evenimenti magjik.

 

Leave a Reply

Your email address will not be published. Required fields are marked *