Juventus ia ka dale te kualifikohet per ne gjysmëfinalet e Uefa Champions, pasi mbrojti me fanatizëm fitoren 3 me 0 te arritur ne shtëpi nje jave me pare. Ne Kamp Nou, Barcelona nuk shkoi me shume se një barazim 0 me 0 duke dështuar në realizimin e përmbysjes së premtuar. Në takimin e transmetuar në Vizion Plus HD dhe Tring HD, italianet kanë treguar edhe një herë tjetër se janë mjeshtrat e taktikes duke i dhënë pak shanse katalanasve dhe yjeve vendas, Messi, Suarez dhe Nejmar. Italianet jo vetëm që u mbrojtën shkëlqyeshëm, por krijuan edhe mundësi me Higuan dhe Kuadradon por pa mundur të gjejnë rrjetën. Në krahun tjetër kërcënimet e vendasve erdhën nga Messi dhe Nejmar por Bonuci, Kielini dhe Bufon ishin në lartësinë duhur. Pas një pjese të parë që u mbyll pa gola, fraksioni i dytë nisi sërish me ofensivën e pritshme të Barcelonës, por bardhezinjte i rezistuan 2-3 rasteve të Messit që dështoi të shënonte. E ndërsa me kalimin e minutave skuadra vendase nuk gjente dot çelësin për të thyer murin Italian, nga ana tjetër skuadra e Alegrit me pak kujdes do duhej patjetër të kishte shënuar duke qenë se në shumë raste Kuadrado, Higuan, Dibala dhe mbi të gjitha Kedira patën shanse për të mposhtur Ter Shtegen. Feste e madhe ne fund në Kamp Nou e 5 mije juventineve të pranishëm në stadium dhe e gjithë skuadrës bardhezi që me merite maksimale shkon në gjysmëfinale dhe konfirmon pretendimet e forta për të fituar këtë kompeticion duke u hakmarrë ndaj Barcelonës edhe për humbjen 3 me 1 në finalen e 2015.
Ndërkohe një tjetër skuadër e kualifikuar për në gjysmëfinale ishte Monako, surpriza e vërtete e këtij kompeticioni deri më tani. Francezet i dhanë një leksion të vërtete futbolli gjermaneve të Borusia Dortmund në të dyja ndeshjet. Nëse të parën e ne Gjermani e fituan 3 me 2, sfidën e kthimit që u transmetua sërish në Tring HD, ekipi i Principatës e fitoi 3 me 1. Në pjesën e parë Monaco shënoi dy herë me Mbape dhe Falkao, ndërsa në fillimin e pjesës Marko Reus shkurtoi diferencat dhe i dha pak shpresë gjermaneve të cilët gjithsesi në vazhdim ishin të pafuqishëm dhe pësuan një tjetër gol nga Germain në fund që ishte edhe goditja përfundimtare për ta.
Në gjysmëfinale shkojnë kështu dy ekipet e Madridit, Real dhe Atletiko së bashku me Juventus e Monaco, ndërsa shorti i lire do të hidhet me 21 prill.
