Udhëheqësja e Minanmarit ka thyer heshtjen për masakrat ndaj myslimanëve në kete vend. E etiketuar si “Nobelistja e turpit”, Aung San Suu Kyi, gjatë një bisede telefonike me presidentin e Turqisë Rexhep Tajip Erdogan, është shprehur se gjithçka është një keqinformim dhe u betua se do të angazhohet për ndalimin e dhunës dhe mbrojtjen e të drejtave të myslimanëve në vend.

 

Reagimi i saj vjen në një kohë që nobelistë të tjerë i bëjnë thirrje për reagim dhe t’i dhënë fund masakrave ndaj myslimanëve. Vetëm në dy javët e fundit të paktën 400 myslimanë janë vrarë dhe më shumë se 100 mijë të tjerë kanë ikur nga Mianmari për në Bangladesh. Myslimanët Rohingya janë pakicë pa shtetësi, të cilët janë përballur me persekutim dhe dhunë sektare në Mianmar.

 

Ndërkohë, mijëra myslimanë  nga e gjithë bota kanë nisur protestat kundër masakrave në Mianmar. Irani ka dënuar masakrën dhe e ka konsideruar atë spastrim etnik. Edhe Turqia ka reaguar ashpër duke thene se ndaj popullsisë myslimane po behet genocid. Mbrojtësit e udhëheqëses së vendit, Suu Kyi, fituese e çmimit “Nobel për Paqe”, këmbëngulin se ajo ka mundësi të kufizuara për ta kontrolluar ushtrinë.

 

 

Leave a Reply

Your email address will not be published. Required fields are marked *