Pas kontrolleve te shumta në terren dhe me dron policia gjeti paraditen e kësaj të premteje trupin e eraldo novruzit, recepsionistit 31 vjecar që u vra nga pronari I hotel grecas ne dhermi, Gerald Shehu.
Trupi i të riut është zbuluar i hedhur afër një guroreje pranë fshatit Vuno, ku duken qartë gjurmët e krimit rëndë.
Lexo edhe :
Related Posts
Vetë autori I arrestuar në Greqi, ka treguar gjatë marrjes në pyetje se ku e kishte hedhur trupin e viktimës, ndërkohë që gjatë kontrolleve në banesën e tij, policia gjeti një gëzhojë, që dyshohet se i përket plumbit me të cilin është qëlluar Nevruzi.
Burime nga grupi hetimor bëjnë me dije se pak pas mesnatës autori Gerald Shehu ka thirrur Eraldon vecmas në një dhomë të hotelit. Mesa duket mes tyre ka patur një konflikt dhe më pas në debat e sipër Geraldi e ka qëlluar me 2 plumba në kokë .
Pas krimit të rëndë ai ka thirrur dy punonjës të tjerë të hotelit, Daniel Qose dhe David Larti, tashmë të arrestuar, për ta ndihmuar në zhdukjen e trupit.Të tre ata i kanë marrë sendet personale, dhe ja kanë djegur tek furra e picerisë. Më pas e kanë mbështjellë trupin e viktimës me plasmas dhe e kanë futur në mjetin tip Audi të Gerald Shehut i cili është larguar nga hoteli.
Pasi ka parë kamerat e sigurisë në zonë, policia arriti në konkluzionin se vrasja ka ndodhur rreth orës 1 të mëngjesit, ndërkohë që autori është nisur për Greqi në orën 5 duke patur kohë të shkonte në shtëpi të ndërrohej të merrte pasaportën dhe lekët.
Në ikje e sipër, ai bëri një ndalesë duke hedhur trupin në përrua.
Më pas Gerald Shehu e fshehu automjetin e tij në një magazinë të vjetër afër portit në Sarandë dhe mori një taksi deri në Qafë Botë. Pasi kaloi kufirin ai shkoi në Korfuz, me synimin për t’u larguar me avion si shtetas britanik, por pa sukses, pasi u arrestua nga policia greke. /vizionplus.tv
