Ka humbur jetën në Spitalin e Traumës njëri prej tre të rinjëve të plagosur mëngjesi e kësaj të diele në aksidentin e ndodhur në Fushë Krujë.
Mësohet se ka humbur jetën pasagjeri Altin Vogli, i cili nuk ka mundur t’u mbijetojë plagëve të marra nga aksidenti.
Ndërkohë dy të rinjtë e tjerë, Dorian Hifi dhe Ilir Gega ndodhen në Spitalin e Traumës.
Tre të rinjtë u përplasën rreth orës 04:30 minuta me bordurën e një karburanti në Fushë Krujë.
Ata ishin në një automjet të tipit Fuoristradë e cila drejtohej nga Ilir Gega.
Sipas policisë shkak I aksidentit ka qenë shpejtësia e lartë me të cilën tre të rinjtë po udhëtonin.