Nëna e 26-vjeçarit, Giorgos Georgopoulos, që ndërroi jetë në një aksident tragjik në Greqi ka ndarë dhimbjen e saj me mediat helenase.
Ajo rrëfen sagën e vuajtjeve dhe thotë se djalin e rriti e vetme, pasi babai i tij kishte ndërruar jetë. E shkatërruar nga dhimbja, nëna e 26-vjeçarit thekson se dëshira e saj e vetme ishte që i biri të punësohej. Ndonëse kjo dëshirë u realizua, fati duket se nuk kishte rezervuar më të mirën për të riun dhe nënën e tij.
Ajo thekson se punësimi i të birit i dha lumturi dhe e bëri t’i dukej se 26-vjeçari po kthehej në shtyllën e familjes.
Giorgos Georgopoulos, vdiq mëngjesin e së martës në zonën e Ampelas në Paros, kur u përplas nga një makinë teksa po ngiste një skuter elektrik.
Drejtuesi i mjetit ishte një 60-vjeçar nga Shqipëria, i cili u arrestua, ndërsa i riu u dërgua në Qendrën Shëndetësore të ishullit. Megjithatë, ai iu nënshtrua plagëve të marra pak më vonë.
Gjergji ishte fëmijë i vetëm, ishte rritur pa baba dhe kishte mbaruar shkollën për biznes dhe turizëm në Kretë.
George punonte në një hotel në Paros dhe sipas informacioneve, skuterin elektrik ia dhuroi shefi i tij, për ta përdorur në jetën e tij të përditshme në ishull.
