U përplas nga makina humb jetën kalimtari në Elbasan

Ndërron jetë kalimtari i plagosur këtë të premte në Elbasan si pasojë e përplasjes nga një makinë.

Informacionet bëjnë me dije se 42-vjeçari A. Bahja u përplas në bulevardin kryesor “Qemal Stafa” të qytetit, nga një mjet që lëvizte me shpejtësi tej normave të lejuara.

Ndërkohë që drejtuesi shkaktar i aksidentit nuk ndaloi, por u largua nga vendngjarja, duke e rënduar situatën e tij penale, tashmë që është shoqëruar nga policia.

Shkak i aksidentit mendohet të ketë qenë shpejtësia tej normale të lejuara në një zonë të populluar, si qendra e qytetit, ku shpejtësia e automjeteve nuk duhet t’i kalojë 20 km në orë.