Gjendet trupi i 10-vjeçarit qe u mbyt para dy javësh në lumin Fan.
I mituri u mbyt në 5 prill kur ishte duke luajtur ndërsa ka rënë në lumë dhe më pas është marrë nga rrjedha e ujit. Mësohet se trupi i pajetë është gjetur nga polumbarët, tek diga e Hecit të Repsit, disa kilometra nga vendi ku është mbytur.
Kërkimet për gjetjen e trupit vijuan për më shumë se 10 ditë ndërsa në një moment u bë edhe devijimi i pjesshëm i lumit për të kontrolluar pranë një ure ku dyshohej se mund të ndodhej trupi.
