Është gjetur trupi i pajetë i 22-vjeçarit Valentin Nikolli, i cili u mbyt ditën e djeshme në lumin Mat.
Ngjarja e rëndë ndodhi mesditën e të mërkurës, kur i riu kishte shkuar për të peshkuar në vendin e quajtur Ura e Zogës.
Ai ra aksidentalisht në lum ku më pas e mori rrjedha.
Për gjetjen e trupit të viktimës, u kërkua ndihma e polumbarëve.
Lezhë
Skuadra e polumbarëve e Repartit Special RENEA, prej mbrëmjes së djeshme u përfshi në operacionin e kërkimit për gjetjen e 22-vjeçarit, i cili dyshohet se ra aksidentalisht në lumin Mat dhe për pasojë e mori rrjedha e lumit.
Pas kërkimeve prej disa orësh në lumin Mat, nga shërbimet e Policisë dhe skuadra e polumbarëve e Repartit Special RENEA, u bë e mundur gjetja e trupit të pajetë të shtetasit V. N., 22 vjeç, banues në Milot, i cili ditën e djeshme dyshohet se ka rënë aksidentalisht në lumë, gjatë kohës që po peshkonte me shokët e tij.
Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.
