Kreu i grupit parlamentar të Partisë Socialiste në Shqipëri, Taulant Balla ka reaguar pas pretencës së Prokurorisë Speciale në Hagë, e cila ka kërkuar nga 45 vite burg për ish-krerët e Ushtrisë Çlirimtare të Kosovës (UÇK), Hashim Thaçin, Kadri Veselin, Jakup Krasniqin dhe Rexhep Selimin.
Me anë të një postimi në rrjetet sociale, Balla e cilësoi zhvillimin në Hagë si një alarm serioz për mënyrën se si po trajtohet historia e luftës së Kosovës.
Lexo edhe :
“Pretenca e sotme në Hagë kundër komandantëve të UÇK është e turpshme dhe një batërdi e tmerrshme kundër pastërtisë së luftës çlirimtare. Qëndresa paqësore e popullit të Kosovës, beteja e drejtë për liri e UÇK dhe valët biblike njerëzore që i iknin kasaphanës, qenkan zeruar duke i lenë vendin trillimeve. Ajo pretencë sot është një alarm ndaj të cilit duhet të reagojmë dhe të mbrojmë legjitimitetin e luftës heroike të UÇK për çlirimin e Kosovës”, shkruan Balla.
/vizionplus.tv
