Gjykata e Tiranës ka caktuar masën e sigurisë “arrest në burg” pa afat efektivin e RENEA-s Altin Morina.
Efektivi i RENEA-s u vu në pranga pas një kontrolli të automjetit me të cilin ai po udhëtonte. Policia gjeti 113 mijë euro në makinën ku ai po udhëtonte.
Para togave të zeza, efektivi i RENEA-s ka deklaruar se paratë ishin të një biznesmeni dhe ai ia kishte marrë borxh.
Ai ka pretenduar se dëshminë e tij do e mbështesë përmes disa dokumenteve.
“Lekët nuk vijnë nga produkt kriminal, i mora 20 minuta para se të arrestohesha. Jam i gatshëm të bashkëpunoj me drejtësinë”, mësohet të ketë deklaruar Morina.
Morina akuzohet për pastrimi të produkteve të veprës penale ose veprimtarisë kriminale.
Katër aparatet celular që i janë sekuestruar do të ekzaminohen dhe hapen për të parë nëse do të sigurohen prova të përfshirjes së tij në aktivitete kriminale.
