20-vjeçari sirian që u gjend i pajetë mëngjesin e kësaj të martë në qytetin e Durrësit dyshohet të ketë rënë nga kati i 3-të i ish-hotel Vollga, një godinë e cila aktualisht është e pabanueshmë.
Mendohet se viktima strehohej në këtë godinë, pasi nga këqyrja e ambientit u gjendën disa sende personale dhe telefoni i tij.
Nga veprimet e para hetimore dhe ekspertiza e mjekësisë ligjore dyshohet se 20-vjeçari ka ndërruar jetë për shkak të rënies nga lartësia.
Grupi hetimor po punon për identifikimin e personit dhe shkaqet e ngjarjes.
