U ekstradua dy ditë më parë nga Zvicra, GJKKO lë në burg Jozi Krajën! Siguroi kushtet për vrasjen e vëllezërve Bami

GjKKO ka lënë në burg Jozi Krajën, i cili u ekstradua nga Zvicra drejt vendit tone dy ditë më parë.

Sipas hetimeve të kryera nga Prokuroria e Posaçme kundër Korrupsionit dhe Krimit të Organizuar, dyshohet se 37-vjeçari, gjatë periudhës dhjetor 2020 – maj 2024, ka siguruar kushte dhe mjete materiale për kryerjen e vrasjes së dy vëllezërve Durim dhe Valter Bami,vrasje e kërkuar nga ish-deputeti socialist, Arben Ndoka.

Lexo edhe :

Related Posts

Plane, intriga dhe rivalitet! Si i shpëtoi Durim Bami “komandos” së dërguar nga Arben Ndoka dhe Avdylajt e Shijakut në Ksamil

Siguroi kushtet për vrasjen e Durim dhe Valter Bamit, ekstradohet nga Zvicra 37-vjeçari shkodran (EMRI)

Ndoka dyshonte se Bamët kishin gisht në eliminimin e vëllait të tij, Aleksandër Ndoka në Lezhë në 2017-ën. Si personat që do të kryenin vrasjet SPAK akuzon Naim Stafukën, Arben Mërkurin dhe Aldo Avdylin të cilët dirigjoheshin nga burgu nga Astrit Avdyli.

Për eliminimin e Bamëve u përfshi edhe Ervis Martinaj, Behar Bajri i Shkodrës, dhe Emiljano Shullazi, ndërsa nën akuzë ishin 16 persona, një pjesë e të cilëve për sigurim të kushteve për vrasje. Jozi Kraja, në bashkëpunim me persona të tjerë ka pasur rolin e vëzhguesit, lokalizuesit dhe bashkëpunëtorit me qëllim vrasjen e Durim dhe Valter Bamit.

Jozi Kraja alias Jozi Ndoj, është vëllai i Gjin Ndoj ose Boriçi, i vrarë në Vaun e Dejës nga grupi i Bajrajve, për llogari të Ervis Martinajt, ndodhur më 8 gusht 2020.

Përmes bisedave në “SKY” të zbardhura nga SPAK në dosjen “Metamorfoza”, e cila është dërguar për gjykim dilte qartë se Gjin Ndoji është vrarë për një borxh prej 100 mijë euro, që kishte mbetur tek Ervis Martinaj. /vizionplus.tv