Një nga historitë më të bujshme të “Ferma VIP” ishte ajo e Yllit, i cili përjetoi një divorc brenda formatit. Letra e dërguar nga ish-partnerja e tij, ku mes të tjerash thuhej se “atij i pëlqejnë burrat” dhe ku kërkohej të mos përmendej emri i saj, ngjalli reagime të shumta.
Pas kësaj letre, Ylli tregoi versionin e tij, ku sipas tij shkaku i përçarjes mes tyre ishte mospëlqimi i partneres ndaj familjes së tij. Kjo temë kulmoi me një moment të fortë emocional, kur nëna e Yllit e surprizoi brenda fermës dhe i dorëzoi letrën e divorcit.
Në “Ferma Club”, përballë pyetjes: “A ke folur me ish-gruan pas daljes?”, Ylli u përgjigj qartë dhe prerë:
“Kjo temë është diskutuar shumë. E kam ditur që do ndodhë. Jo, nuk kam pasur asnjë bisedë me të. As nuk tentoj. Është diçka që e kam mbyllur dhe nuk kam kthyer kokën mbrapa.”
Por deklarata më e papritur ishte ajo lidhur me autenticitetin e letrës:
“Nuk mendoj që letrën e ka shkruar ajo. Aty thuhet diçka që nuk është e vërtetë, si për shembull që unë kam qenë në Gjermani dhe pastaj kam ardhur në Kosovë për të bërë fejesën. Në fakt, ka qenë e kundërta.”
Për fund, ai shtoi me vendosmëri:
“Nuk e kam kontaktuar sepse kam qenë rreth 8 vite me të. Përderisa ka ardhur deri në këtë pikë, për mua është mbyllur.”
/vizionplus.tv
