U dënua për shpërdorim detyre, Tahiri ankimon vendimin e Gjykatës

Ish-ministri i Brendshëm Saimir Tahiri ka ankimuar në Gjykatën e Apelit të Krimeve të Rënda ankimin për vendimin ku u shpall fajtor me akuzën ‘Shpërdorim Detyre’.

Gjykata e dënoi Tahirin me 5 vite burg, por me gjykim të shkurtuar dënimi ulet në 3.4 vite burgim.

Gjykata edhe këtë dënim vendosi ta konvertojë në 3 vite shërbim prove, periudhë në të cilën ish-ministri nuk duhet të kryejë asnjë vepër penale. Po ashtu, për 3 vite, ish-ministri Tahiri nuk duhet të ushtrojë funksione publike.