U arrestuan për shpërdorim detyre/ Lirohen nga burgu drejtori i zonave të mbrojtura në Lezhë dhe vartësit e tij
Gjykata e Lezhës ka çliruar nga arresti shtëpiak Drejtorn e Administrimit të Zonave të Mbrojtura në Lezhë Pjetër Toni dhe 2 vartësit e tij të arrestuar në mujin qershor me akuzën e “Shpërdorimit të Detyrës”.
Ata kanë lënë qelinë ditë më parë ndërsa do të hetohen në gjendje të lirë.
Gjykata e Lezhës ndryshoi masën e sigurisë nga arrest shtëpie në detyrim paraqitje, për drejtorin e ADZM Pjetër Toni, si dhe liroi nga qelia dy punonjësit e këtij institucioni Armando Lleshaj, 27 vjeç specialist monitorimi dhe Tom Gjelaj, 63 vjeç, roje mjedisore, duke vendosur ndaj tyre masën detyrim paraqitje.
Gjyqtari i çështjes Artan Hajredini pranoi verdiktin e avokatëve mbrojtës të të akuzuarve duke argumentuar se nuk ka rrisk prishja e provave të hetimit.Pak ditë më parë një gjykatës tjetër i Lezhës vendosi nën sekuestro preventivët e restorantit “Trëndafili mistik” brenda lagunës për dyshime tjetërsim pronash.
