Policia ka dhënë detaje nga operacioni ku u vunë në pranga prokurori i Kukësit, Xhevahir Lita, ish kreu i operacionales, Oltion Bistri dhe sipërmarrësi Pëllumb Gjoka.
Në njoftim bëhet me dije se janë arrestuar 8 persona dhe shpallur në kërkim 9 të tjerë. Policia ka zbuluar një arsenal armësh, 8 automjete (4 prej tyre të blinduara), maska, paruke dhe sende të tjera të paligjshme që përdoreshin nga pjesëtarët e grupit kriminal.
Të arrestuar janë Pëllumb Gjoka, Edmond Preka, Astmer Bilali, Ardrit Hasanbegaj, Oltian Bistri, Xhevahir Lita, Sabjan Troshani, Nehat Fojleta.
Nga arsenali i armëve, policia njofton se grupi kriminal ishte i pajisur me kamera kurth, targa automjetes, baza vendosjeje snajperi dhe municione të tjera, të cilat dyshohet se do të përdoreshin për të kryer vrasje.
Ishin përgjimet dhe zbërthimi i aplikacioneve SKY dhe ENCRO që fundosën grupin kriminal të goditur nga SPAK ku bënin pjesë prokurori i Kukësit, Xhevahir Lita, ish kreu i operacionales, Oltion Bistri dhe sipërmarrësi Pëllumb Gjoka.
Zbardhjet e tabulateve kanë nxjerrë zbuluar edhe një detaj rrënqethës nga ekzekutimi i 27 vjeçarit, Gjin Ndoj, të cilin pasi e kanë vrarë i shkuan në varrim.
Nga këto përgjime u zbulua se personi që porositi vrasjen e të riut ishte i shpalluri i zhdukur, por edhe në kërkim ndërkombëtar, Ervis Martinaj pas një konflikti që pati me viktimën.
Ndërsa Pëllumb Gjoka rezulton t’i ketë kërkuar realizimin e disa vrasje Behar Bajrit. Në listën zezë të biznesmenit ishte përfshirë edhe Kleant Musabelliu, polici që e kishte plagosur në këmbë në vitin 2017.
Nga bisedat e transkriptuara nga ekspertët francezë të aplikacioneve SKY, mësohen edhe shumat që do paguheshin për ekzekutime shkonin deri në 110 mijë euro.
