Turqia ka marrë pjesët e para të sistemit mbrojtës raketor S-400 nga Rusia, pavarësisht kundërshtimeve dhe thirrjeve të vazhdueshme të SHBA-ve.
Ministria turke e mbrojtjes tha se dërgesa e parë arriti në një bazë ajrore në kryeqytetin e Ankarasë këtë të premte.
Pavarësisht se ka një marrëveshje për të blerë 100 avionë luftarakë amerikanë F-35 dhe njëkohësisht është antare e NATO-s, Turqia ka ndjekur një politikë të pavarur të mbrojtjes.
Duket se veprimi I fundit do të përshkallëzojë edhe më tej tensionet e Turiqsë me Europën dhe SHBA-të. Washingtoni thotë se sistemi S-400 nuk përputhet me rrjetin e mbrojtjes që përdor NATO, dhe mund të vërë në rrezik avionët luftarakë F-35 të kompanisë amerikane për prodhimin e të cilëve ka ndihmuar edhe Turqia.
Presidenti amerikan Donalod Trump ka paralajmëruar vendosjen e sanksioneve dhe Turqia mund të përballet me përjashtimin nga programi i blerjes së avionëve F-35.
Megjithatë Ankaraja Zyrtare ka refuzuar t’i nënshtrohet trysnisë amerikane duke thënë se çështje e sovranitetit të saj se çfarë pajisjesh mbrojtëse duhet të blejë.
Sistemi I mbrojtjes raketore S-400 ka një radar me mbikëqyrje me rreze të gjatë e cila gjurmon objekte dhe vlerëson objektivat e mundshëm, duke urdhëruar më pas lëshimin e raketave.