Një tërmet me magnitudë 5.3 të shkallës rihter ka goditur mëngjesin e kësaj të diele Turqinë. Lëkundja u regjistrua në Elazig dhe ishte me një thellësi prej rreth 16 kilometrash.
Nuk raportohet për të lënduar në njerëz apo dëme materiale.
Ministri i Brendshëm turk, Süleyman Soylu informoi se tërmeti nuk kishte shkaktuar asnjë problem.
“Deri tani nuk ka ndonjë problematikë. Të gjitha ekipet tona vazhdojnë skanimet e tyre në fushë. Ne do të vazhdojmë t’ju informojmë”, tha ai.
