Turqi, kamikazi i Gazintep vetëm 13 vjeç

Më shumë se gjysma e 51 viktimave të shënuara nga shpërthimi i fuqishëm në qytetin turk Gazintep, në kufi me Sirinë, ishin fëmijë. Bilanci tragjik është konfirmuar nga Ankaraja zyrtare, sipas të cilës 29 prej tyre, ishin nën moshën 19 vjeç. Ndërkohë, një tjetër burim jo zyrtar, theksoi se 22 prej tyre ishin nën moshën 14 vjeç. Ata ndodhshin në një dasmë, që zhvillohej në këtë qytet jugor të Turqisë. Presidenti turk Erdogan e dënoi sulmin dhe konfirmoi se edhe vetë kamikazi ishte rreth 13 vjeç. Ai tha se vogëlushi ishte shtyrë nga organizata radikale islamike e ISIS, te cilës Turqia i ka shpallur lufte. Viktimat janë përcjellë për në banesën e fundit. Ndërkohë në ne Stamboll, qindra turq kanë mbajtur një proteste, duke kërkuar një angazhim më të madh të forcave të sigurisë për të parandaluar sulme të tilla në të ardhmen.