Turqi, goditen 51 kompani të Gylen

Policia turke ka bastisur 51 kompani të organizatës “FETO” të Gylen, të cilat dyshohet se kanë ndihmuar financiarisht kryengritësit të cilët tentuan grushtin e shtetit më 15 korrik. Njësia e krimit financiar ka ndaluar 120 punonjës të këtyre kompanive, 50 prej të cilëve janë arrestuar. Mes kompanive është dhe “AKFA Holding”, qe merret me ndërtime infrastrukturore dhe teknologjinë e avancuar si dhe rrjeti i supermarketeve “A101”. Nga hetimet rezulton se gjatë viteve 2011 dhe 2015, organizata “FETO” transferonte paratë nga SHBA-ja dhe Kanadaja përmes bankës “ASJA”, e cila operon në Turqi që prej vitit 1996. Këto ndalime vijnë pas qindra ndalimeve që policia bëri një ditë më parë në Gjykatën e Stambollit, pjesa më e madhe e të cilëve punonjës të administratës. Që prej tentativës për grusht shteti në Turqi janë kryer gjithsej 35 mijë arrestime mes të cilëve ushtare, policë, gjyqtare gazetare e arsimtar. Ata akuzohet se kanë patur dijeni për kryengritjen dhe punojnë për llogari të klerikut Fetullah Gylen, të cilin Ankaraja e akuzon si orkestruesit e gushtit te shtetit.