Autoritetet turke kanë arrestuar 35 gazetarë dhe punonjës të mediave, të cilët dyshohen se kanë lidhje me Fetullah Gylen, te cilin Ankaraja e akuzon për organizim të grushtit të dështuar të shtetit në korrik 2016. Agjencia shtetërore e lajmeve beri te ditur se te arrestuarit kane përdorur një aplikacioni dhe autoritet turke besojnë se kjo është shenjë që janë anëtare te lëvizjes Gylen.
Policia filloi operacionin mëngjesin e së enjtes dhe identitetet e te ndaluarve nuk janë bërë ende të ditur. Deri më tani janë arrestuar mbi 50,000 njerëz, shumica e të cilëve janë akuzuar për përfshirje në përpjekjen e grushtit të shtetit. Nga ana tjetër më shumë se 110,000 punonjës të administratës janë shkarkuar. Goditja e vazhdueshme kundër gazetarëve ka alarmuar perëndimin dhe grupet e të drejtave të njeriut, ndërsa qeveria deklaron se këto masa janë të domosdoshme për shkak të kërcënimeve, me të cilat po përballet vendi.
