Durrësi është gati për pritjen e turistëve dhe përgatitjet kanë filluar prej kohësh. Këtë vit ka pasur një shtim të njësive akomoduese, nisur nga kërkesat në rritje që u shfaqën vitin e kaluar.
Megjithatë, problem edhe për këtë vit do të jetë mungesa e fuqisë punëtore që është e nevojshme për të shërbyer në sektorin hoteleri-turizëm. Kreu i dhomës së tregtisë dhe industrisë në Durrës Artan Luku shprehet se ka një mungesë të madhe në kuzhinierë, kamarierë dhe menaxherë SPA-je.
Ndërkaq, ndërmarrja komunale e plazhit ka nisur pastrimin e rërës nga leshterikët që dalin në këtë periudhë në breg të detit. Drejtori I kësaj ndërmarrje Alfred Dhuli shprehet se pak më vonë do të kryhet edhe plugimi dhe dezinfektimi I rërës.
Lidhur me sasinë e madhe të mbetjeve urbane që krijohet në plazhe, është menduar që ato të hiqen 3-4 herë në ditë në bashkëpunim edhe me firma private.
Turizmi kërkon profesionistë, fluksi i prenotimeve shumë i lartë, por operatorëve u mungon fuqia punëtore./vizionplus.tv/
