Një shtetas i huaj, teksa lëvizte me motor, ka humbur kontrollin dhe ka dalë nga rruga në fshatin Salari të Tepelenës. Ngjarja ka ndodhur mesditën e kësaj të mërkure në vendin e quajtur “Përroi i Salarisë”.
Bëhet fjalë për O. L., 57 vjeç, banues në Gjermani, i cili është dëmtuar në këmbë. Për pasojë, ai është transportuar ne spitalin e Gjirokastrës dhe ndodhet jashtë rrezikut për jetën.
Grupi hetimor po kryen veprimet e mëtejshme në lidhje me sqarimin e rrethanave të rastit.
