Kylie Jenner dhe Tyga gjithnjë kanë pranuar se e duan shumë njëri-tjetrin, por në të njëjtën kohë janë treguar realist duke thënë se nuk kanë një lidhje të lehtë. Ashtu si gjithë të tjerët edhe ata kanë probleme të shumta. Por këtë herë duket se 19-vjecarja i ka dhënë duart përfundimisht reperit.
Një burim i afërt shprehet: “Kylie ndjeu që Tyga po përfitonte nga pasuria e saj. Ajo po ashtu po rritet si femër dhe kishte nevojë të bënte disa ndryshime në jetë.”
Duket se Tyga brenda një kohë shumë të shkurtër shkatërroi gjithë ëndrrat e mëdha që Kylie kishte për ata e dy. Edhe pse ende shumë e vogël, për një kohë të gjatë Kylie këmbënguli që ata të fejoheshin dhe lidhja e tyre të bëhej edhe më serioze. Reperi nuk pranonte duke thënë se kishin ende kohë dhe ishin akoma shumë të vegjël.
Epo, të paktën shpresojmë se këtë rradhë, do të jetë me të vërtetë hera e fundit që ata ndahen pasi të themi të drejtën, të gjithëve u ka ardhur në majë të hundës kjo lojë që ata bëjnë prej vitesh tashmë. Ndoshta kjo ndarje është për të mirën e të dyve.
