Në 24 qytete të Greqisë do të zhvillohen sot tubime kundër termit “Maqedoni” i cili është pjesë e negociatave mes Greqisë dhe ish-Republikës Jugosllave të Maqedonisë për emrin e ri të kësaj të fundit.
Negociatat pritet të përfundojnë me një emër përfundimtar në ditët në vijim. Pjesa më e madhe e qyteteve ku do të zhvillohen këto tubime janë në zonën greke të quajtur Maqedoni, gjithashtu dhe në disa ishuj.
Epiqendra e tubimeve pritet të jetë Pela, qyteti ku ka lindur Aleksandri i Madh. Këto protesta vijnë katër muaj pas atyre të Selanikut dhe Athinës. Ndërkohë, organizatorët kanë bërë thirrje për pjesëmarrje masive.
