Kyeministri grek Aleksis Tsipras këtë të martë ka zhvilluar një vizitë zyrtare në Shkup, të parën e këtij lloji në historinë e dy shteteve.
Në një konferencë të përbashkët me homologun e tij Zoran Zaev, Tsipras ka thënë se është koha të lënë pas urrejtjen dhe të kompensojnë kohën e humbur.
“Përmendoret të cilat kanë të bëjnë me Maqedoninë antike, rregullimi i tyre, mbishkrimi dhe emërimi specifik do të sqarojnë se ata janë pjesë e të kaluarës antike greke dhe kulturës gleke që në fakt është kulturë botërore. Këto përmendore të civilizimit grek i takojnë botës, janë përmendore botërore dhe janë pjesë e trashëgimisë botërore. Ne do të jemi të kënaqur kur t’i vendosni emrat dhe kjo do të sqarojë se këto përmendore janë pjesë e civilizimit antik grek.”
Ndërsa Zaev ka theksuar se ka besim tek Micotakis edhe Mickoski, të cilët janë kryetar të partive më të mëdha opozitare, vetë me kalimin e kohës do të mbështesin bashkëpunimet e mira, mundësitë e reja, perspektivat serioze sepse kjo është pragmatike.
Gjithashtu në këtë takim dy kryeministrat Zaev dhe Tsipras kanë rënë dakord që pas anëtarësimit të vendit në NATO, Greqia të monitorojë falas aviacionin e Maqedonisë së Veriut.
“Vendi jonë nuk ka aviacion dhe nuk kemi mbulim të qiellit tonë. Sipas protokollit të NATO-s dhe anëtarësimit, kjo nënkupton se dikush nga vendet fqinje duhet ta mbulojë qiellin tonë që të garantojë sigurika thënë Zoran Zaev.”
kryeministër i Greqisë ndër të tjera ka theksuar se është i rëndësishme stabiliteti në rajon.
“Stabilitet në rajonin tone; këtë ne e marrim si kompensim. Ne duam fqinj që është stabil edhe nga aspekti politik edhe nga aspekti i sigurisë. Ja pse bashkëpunimi është me rëndësi kyçe. Greqia ka aftësi të mëdha në sferën e aviacionit, me siguri njërin nga më të zhvlluarit në rajonin e Evropës Lindore. Ne kemi aftësi dhe kapacitet që ta mbështesim Maqedoninë e Veriut. Për këtë nuk do të ketë kompensim për shërbimin tonë.”
Ndërkohë ministrat e të dy vendeve përkatëse nënshkruan një sërë marrëveshjesh dhe memorandumesh për bashkëpunim duke përfshirë infrastrukturën, energjetikën, sigurinë dhe diplomacinë.
