Kryeministri grek, Aleksis Tsipras gjatë një vizite në ishullin Samothraki, ka deklaruar se 2019 do të jetë një vit vendimtar për Greqinë.
Sipas tij ky do të jetë viti i fillimit të rimëkëmbjes së madhe, për një vend që ka pësuar pasojat e një krize të paprecedentë.
Ndërkohë Tsipras, i është përgjigjur dhe një deklarate të presidentit turk Recep Tajip Erdogan, ku në komentin e tij vuri në dukje fjalët e Bertolt Brecht, një poet që i këndoi virtytit të paqes, drejtësisë sociale dhe emancipimit të njeriut.
“Gjeneral, njeriu është shumë i dobishëm/ Mund të fluturojë dhe mund të vrasë/ Por, ai mund edhe të mendojë. Të gjithë ata që e njohin historinë e dy popujve është se historia i ka bashkuar grekët dhe turqit qoftë në kohë lufte dhe në kohë paqeje. Greqia, është e vetëdijshme për këtë histori dhe me mbështetjen e forcave të saj të armatosura gjithmonë do të luftojë për të mbrojtur paqen si dhe vlerat e lirisë dhe drejtësisë universale deri në pikën e fundit të gjakut”.
