Nga Blerina Cene
Në një nga 40 episodet e dokumentuara nga Prokuroria Antikorrupsion dhe ajo italiane, për operacionin “Ura”, tregohet i gjithë itinerari i ndjekur nga porositësi i lëndës narkotike, të ndërmjetësi, korrieri e furnitori. Në krye qëndron Elvis Doçi, i njohur me pseudonimin “Visi i Pojës, që siguron 8 kilogramë kokainë nga Gjermania drejt Italisë në gusht të 2020.
Lexo edhe :
Related Posts
Fillimisht, biseda zhvillohet mes Adi Çobës dhe italianit, Angelo Zanzarelli që kishte bërë kërkesën për furnizim me lëndë narkotike. Çoba e garanton italianin se cilësia ishte e shkëlqyer, por e shtrenjtë, 39 mijë euro për kilogram.
DOSJA
“Më vonë në mbrëmje, në orën 23:10, Adi Çoba e njoftonte Angelo Zanzarelli-n se ndoshta do të mund t’i furnizonte një sasi kokaine (“të bardhën”) të cilësisë së shkëlqyer, duke i dërguar njëkohësisht dy fotografi, të cilit i kishin paraqitur një bllok kokaine, me fjalën “ERKING” te stampuara ne të, dhe tjetra ku tregohen copa të marra nga e njëjta lëndë narkotike. “Të jap edhe lajmin për të bardhën fra (…) sepse ndoshta e gjeta (…) po vëlla shumë e mirë duket. “Vëlla me 39 ta jap sepse unë të shpjegoj gjithçka.”
Ndërsa italiani reagon i lumtur për cilësinë e lëndës narkotike.
DOSJA
Pasi merrte fotografite e kokainës, Zanzarelli shprehte vleresimin e tij: “ohhohho nëna ime çfarë copash, si tha shoku aah si akull ah ah ah”.
Elvis Doçi të cilin bashkëpunëtori i drejtësisë Nuredin Dumani, e përshkruan si një negociator të mirë të lëndëve narkotike, del zbuluar pasi i ka dërguar fotografitë e kokainës, Adi Çobës.
DOSJA
“Duhet theksuar se administrimi i mesazheve të bisedave të koduara të Adi Çoba bëri të mundur gjithashtu të konstatohej se, menjeherë përpara shkëmbimit të mesazheve me Angelo Zanzarelli, Adi Çoba kishte marrë të njëjtat fotografi që përshkruanin kokainën nga Elvis Doçi. Në mënyrë të përmbledhur, u konstatua se 8 kilogramët kokainë në fjalë mbërritën në Itali në bazë të marrëveshjeve të bëra në një bisedë të koduar mes Adi Çoba dhe Elvis Doçi i njohur si “Visi i Pojës” i cili nga ana tjetër, për shkak të përkatësisë së tij në një grup të organizuar kriminal, mundi ta gjente atë dhe të organizonte dërgimin e lëndës narkotike nga Gjermania në Itali.”
Transporti u krye nga një shofer, i cili kishte për përgjegjësi të merrte mbrapsht edhe paratë e pista nga droga, që kapin vlerën, 312 mijë euro për 8 kilogramë.
DOSJA
Elvis Doçi i shkruante Adi Çobës, duke filluar nga ora 17:08 e datës 3.8.2020, duke i dhënë udhëzime për mënyrën e dorëzimit të parave dhe në lidhje me vendndodhjen e preferuar për shkarkimin e lëndës narkotike, e këshillonte për gjetjen e një vendi të përshtatshëm me një oborr dhe jo një garazh: “Sot është dita që duhet të ngarkojë dhe të them (…) është në Gjermani, shoh (…) 8 copë, і kemi bashkë (…) 4 + 4 (..) pasnesër do të vijë ke ty (…) jepi shoferit paratë çfarë ke (…) mik, paketoja paratë në qese me vakum pasi ai duhet të marrë edhe të tjera (…) dhe vendos një shenjë (…) ose të paktën një oborr privat (..) përveç garazhit”.
